الفصل الثانى
المنظر الأول
(المكان وقد تحول الى اشبة بخلية النحل وقد وقفت كل إمرأة امام بيتها اغو عشتها تحاول تجميلها وتزيننها وكل امرأة تحاول ان تضع قلب او رسوم للملاك الطفل او كيوبيد وهو يلقى المحبين بسهام الحب والعشق وامرأة جعلت من نفسها تمثال فينوس واخريات وضعن اعمدة من النور ووقفن تحتها يشعلن لفافات التبغ بعض الشعارا ت كتبت على بعض اللوحات مرحبا بسيد العالم .. اهلا بالرجل الحقيقى .. الرجل المناسب فى المكان المناسب .. يتجول بعض افراد النساء فى المكان فى حالة من القلق بينما يقف الحرس على باب مكان عليه لافته قاعة البرلمان )
ست 2 : هما هيجيبوا الراجل من هنا
ست3 : هيعدى كمان خمس دقايق
ست4 : الستات دول واقفين من الفجر حاجزين مكانهم قدام
البرلمان عايزين يشوفوه
ست1 : الرسامات فى العالم رسموه وحطوا صوره فى الميادين
العامة واى واحدة هتمتلك صورة بمفردها هتتعرض
للمساءلة القانونية والمصادرة
ست5 : عارفين يا بنات انا حطيت من البرافان الخصوصى اللى
لقيته جنب برج ايفل
ست2 : وحطيت فى شعرى زهور الكادى والبعيثران
ست3 : ايه العويران ده
ست2 : العويران ده لاعب كره لكن العويثران زهرة ريحتها جميلة
ست4 : بيقولوا الراجل طوله حوالى خمسة متر
ست5 : خمسة متر ياى انا هادوب فيه
ست3 : هو فيه راجل طوله خمسة متر دى اشاعات
ست2 : هو المتر كام سمتى
ست1 : المتر حوالى 35 سم
ست5 : بس
ست3 : دى انتى عايزة ايه بالظبط
ست2 : عايزة مقياس النيل
ست1 : هو برج الجزيرة كام متر
ست4 : الحكاية موش بالطول برضه
ست5 : امال بأيه ؟
ست3 : بالقدرة على الإقناع
ست2 : على فكرة الستات دول قلالات الأدب
ست1 : وانتى لا
ست2 : ما انا كمان قليلة الأدب بس ما بأقولش
( تدخل قائد الحرس الأمبراطورى ومن خلفها بعض نساء
الحرس )
القائد : اسمعوا يا نسوان كل واحدة تشوف شغلها موش عايزين
الزفة الكدابة دى
ست5 : انتوا هتعملوا فيه ايه ؟
القائد : احنا لسه ما اتخذناش القرار بعد ما المجلس يخلص
اجتماعه هنقولكم القرارات اللى وصل لها
ست4 : اوعوا تكونوا هتستفردوا بالراجل لوحدكم
ست3 : هى الكوسة كمان هتبقى فى قلة الأدب
ست2 : الكوسة نفسها قلة ادب
القائد : اللى هتقول الكلام ده تانى هادخلها السجن الامبراطورى
وهتنحرم من الحرية وحقها فى الراجل بعد البرلمان
ست5 : شكلك كده عندك اخبار قولى لنا ما انتى واحدة مننا برضه
هه هيسيبوا الراجل على هواه يختار اللى عايزه
القائد : انا ما عنديش اى فكرة البرلمان هيقرر ايه بس فى النهاية
البرلمان بتاعنا برلمان بجد وبيمثلنا بجد وبالتالى قراراته
هتكون فى مصلحة الأمبراطورية الكبيرة بتاعتنا
ست1 : وهما يخلصوا امتى ؟
القائد : يخلصوا وقت ما يخلصوا احنا مستنين
ست4 : بس احنا ورانا اشغالنا
س2 : ما هو ده برضه شغل واحسن من شغلكم
القائد : انا باقول كل واحدة منكم تاخد بالها من كلامها
ست3 : الراجل جاى على هنا
ست5 : ما حدش يلزق فيا موش باحب الزحمة
ست4 : يا نسوان ساعوا بعض فى الوقفة كلنا هنشوفوا
( يدخل الرجل وهو يسير بين الحرس الأمبراطورى ويرتقى
منصه اعدت له خصيصا ليقف كالتمثال الرومانى )
القائد : كل واحدة تقف مكانها الأجتماع انتهى جوه البرلمان
كله يصطف هنا
( تخرج حارسة )
حارسة : ربة الصون والعفاف غصب عنها لحد دلوقتى
حامية الشرف والفضيلة من قلة
امبراطورة العالم الفانى
( الأمبراطورة تقف على المنصة بجوار الرجل ولكنها اعلى
منه درجة وقد وضعت على رأسها تاج اشبه بتاج تمثال
الحرية )
زبيدة : يا نساء العالم الفانى انتهينا الان من اجتماع البرلمان
وهأقولكم على القرارات اللى اتخذها البرلمان بكل حرية
وديموقراطية وبدون ضغوط من احد وعن طريق الإقتراع
السرى المباشر
ست1 : يا مولاتى احنا غلابة
ست2 : محتاجين المساعدة
ست3 : اوعوا تكونوا ضبختوها جوه
ست4 : لو القرارارات فيها كوسة هنسقط المجلس
ست5 : ايوة وخاصة فى موضوع الراجل
زبيدة : ما تقلقوش احنا اخدنا قراراتنا لمصلحة الجميع وهى
كالتالى اعتبار الرجل ملكية عامة للشعب وله حرية الإختيار
فى اى بيت يبات مع حق كل إمراة فى ليلة مجانية
ست5 : ليلة واحدة فى الأيه
ست3 : يعنى ليلة فى الإسبوع والا ليلة فى الشهر ولا ايه
ست1 : يا مولاتى احنا غلابة
القائد : اسكتوا يا غجر خلوا الست تتكلم
زبيدة : سيبيهم يتكلموا براحتهم احنا حكمنا ديموقراطى
ست5 : يا مولاتى احنا كنا مع رجالتنا يوم واحد فى الإسبوع وكنا
بنشتكى
زبيدة : كان كل واحدة ليها راجل لوحدها دلوقتى الموضوع بقى
صعب جدا كل نسوان العالم ليهم راجل واحد
ست3 : ايوة يا مولاتى بس ليلة واحدة واستنى دورى بعد كل
النسوان فى العالم ممكن اكون نسيت شكله ايه
ست5 : هى بتتكلم عن ايه ؟
ست2 : بتتكلم عن الكوسة انتى نايمة ولا ايه فوقى شوية
يسرية : اسمعوا يا ستات الست زبيدة عايزة تكمل كلامها وبعدين
اتناقشوا براحتكوا
زبيدة : احنا بنقول ان الراجل ملكية عامة موش بتاع واحدة بعينها
موش قطاع خاص فلازم نتساوى كلنا كنساء فى الحقوق
وكل واحدة يبقى ليها الحق فى التجربة
ست1 : احنا كام ست فى العالم
زبيدة : حسب الإحصاء الأخير وبعد وفيات اول العام الحالى يكون
العدد حوالى سبع الاف وربعميت ست
ست2 : والسنة فيها 365 يوم يعنى كل ست يمر عليها الراجل
تقريبا كل 20 سنة مرة
ست 3 : بقى ده اسمه كلام يا هوه اشوف الراجل كل عشرين سنة
مرة واحدة
زبيدة : ما تنسوش ان كل سنة هتكون فيه نسبة وفيات بين
النسوان يعنى ممكن تقل الفترة الزمنية
ست1 : ده ايه الحظ ده
زبيدة : وفى حالة ان الراجل تعجبه واحدة ويطلبها ليلة تانية لازم
يكون باذن مسبق وبعلم ادارة التمريس اللى بتديرشئون
علاقات الرجل اللى هتتولى ادارتها يسرية وهى الإدارة
اللى عملناها جديد لتنظيم ممارسة الرجل لمهام علاقاته
بنساء العالم أجمع
يسرية : التمريس وهى دى برضه شغلانة ترضيها لى يا ستى
زبيدة : دى شغلانة اهم من شغلة الحكم بتاعتى
يسرية : ايوة اهو كله تمريس
زبيدة : عرفتوا يا بنات حقوقكم تجاه الرجل
عزمى : هو انتوا اجتمعتوا وقررتوا من نفسكم كده
زبيدة : عندك اعتراض
عزمى : طبعا عندى اعتراض انتوا ازاى تحددوا كل حاجة متعلقة
بيا بدون ما ترجعوا لى اياكم فاكرينى حيوان لقيتونى
وانعمتوا عليا بالحرية والمعيشة انا رجل ومن حقى انى
اقرر اللى انا عاوزه
القائد : انت ما تتكلمش ده قرار البرلمان
عزمى : برلمان ايه وفين ممثل الرجالة فى البرلمان ازاى يبقى
البرلمان كله ستات هما الرجالة دول موش ليهم حقوق
برضه ولازم يتحطوا فى الحسبان
زبيدة : ايوة بس انت راجل واحد
عزمى : ندرة النوع لا تعنى انعدامه فانا موجود فالنوع موجود وله
حقوق فلازم البرلمان بتاعكوا يتعدل
القائد : اسمع يا استاذ احنا بقى لنا خمستاشر سنة عايشين
مرتاحين من تحكمات الرجالة فينا ومش هنيجى على اخر
الزمن نغير دستور حياتنا عشانك
عزمى : استنوا يا ستات انا عايز اكمل كلامى
ست1 : هتقول ايه اياك هترفض
ست5 : ده انا ممكن اموت من الكسوف لو رفضنى
ست3 : لا يا استاذ فتح كده وانت بتتكلم
ست4 : ولا هو عشان ما فيش غيرك
عزمى : ايوة عشان ما فيش غيرى هو البنى ادم ده موش طاقة
والطاقة دى بتخلص
يسرية : ازاى يعنى
عزمى : يعنى هو فيه ست من اللى كانوا متجوزين فى الماضى
كانت تقدر تكون مع جوزها كل يوم ..موش لازم الراجل
ده يستريح ده لو مكنة وهتشتغل متواصل شهر هتعطل
موش عشرين سنة
يسرية : انت شكلك قرفان مننا
عزمى : لا موسش قرفان بس لازم تفكروا فيا انا كمان موش فى
نفسكم وبس فى رغبتى انا كمان انا موش مكنه بتشتغل
من غير عواطف انا انسان وليا مشاعر واحاسيس وفين
حقى كأنسان
زبيدة : احنا ازاى ما فكرناش فى كل ده
عزمى : عشان انتوا مجتمع اعرج ماشى على رجل واحدة
يسرية : ازاى يعنى بعكاز
عزمى : حتى ما فيش عكاز مجتمع بينط برجل واحدة
زبيدة : الرجل ممكن يكون معاه حق
عزمى : وبعدين افرضوا انى انا مت
( اصوات وضجيج بين النساء )
عزمى : هو ده موش امر وارد والا هابقى كبير على الموت هيجى
يوم واموت انتوا هتعملوا ايه
زبيدة : فعلا افرض ان الراجل مات
القائد : مولاتى افتكر ان البر لمان ما فكرش كويس فى الموضوع
من كل جوانبه
عزمى : كل اللى همكم ازاى ممكت تشبعوا رغباتكم بعد حرمان
خمستاشر سنة
ست5 : واى حرمان
ست2 : بس يا مسهوكة
ست4 : انا موش غايظنى الا حكاية كل عشرين سنة مرة يعنى
الراجل ييجى النهاردة واشوفه تانى وابنى عنده عشرين
سنة
عزمى : يا حضرات مع احترامى ليكوا هو يعنى كلكوا لازم تخلفوا
زبيدة : دى غريزة الأمومة
يسرية : الا غريزة دى يعنى ايه يا ست
زبيدة : موش وقته يا يسرية
عزمى : شوفوا يا جماعة انا موش قصدى انكوا لا سمح الله بس
فيه ستات ربنا كتب لهم الخلفة وفيه ستات لا .
القائد : والحل ايه يا جماعة
عزمى : انا اقترح انى اتجوز اربعة وبس وهما دول اللى يكونوا
امهات العالم الجديد
زبيدة : لا جواز من اربعة بس لا ما فيش جواز
يسرية : ولا ليه ؟
زبيدة : الجواز يعنى ملكيه فردية والراجل ده منفعة عامة
عزمى : هو لمواخذة يعنى انتوا لقيتوا مسلة فرعونى
ست5 : انا رايى انكوا تسيبوا الراجل براحته يختار على اللى هواه
من غير قيد ولا شرط
عزمى : انا مع رأى المدام
ست5 : انسة
عزمى : هما الرجالة ما عندهمش نظر
ست5 : ابدا انا ما شفتش رجالة قبل كده خلصوا وانا كنت طفلة
صغيره
يسرية : يا عين امك يا اختى يتيمة
زبيدة : كل نسوان العالم يتما يا اختى ولا انتى فين ابوكى
يسرية : ابويا راح يجيب معسل ما رجعش ساح وهو راجع
ست4 : وافرض الراجل عجبته واحدة بس الباقى يعمل ايه
زبيدة : قول يا دكتور حل بقى
عزمى : انتوا يا ستات فرقت معاكم حاجة ما انتوا عايشين
خمستاشر سنة من غير رجالة
ست4 : ايوة ما كنش فيه لكن دلوقتى فيه ولما هو فيه ما اخدش
منه ليه هه تقدر تقولى موش حقى
عزمى : كلامك فيه جزء من الصح وكتير غلط
ست4 : ليه بقى ؟
عزمى : لان النوع الأخر اللى هو انا له حقوقه وله حريته فى
الإختيار موش كله فرض قسرى عليه
زبيدة : انا شايفة ان الراجل عنده . . فمن حقه الإختيار فى الترتيب
العام يعنى يختار الست اللى على هواه لليوم بتاعه بشرط
انها ما تتكررش الا بعد سنه من لقاءه معها لو طلبها تانى
ست1 : والست دى مواصفاتها ايه
س2 : موش احنا اللى نختار هو بس
ست3 : يا روحى عليه
ست6 : اى نيد مان تو ماتش
ست5 : هما الإنجليز معانا فى الأول
زبيدة : كل الجنسيات ليها الحق فى الرجل
يسرية : طب وهوده عدل ياستى يعنى هيسيب النسوان اللى عاملين
زى البلور وهيبص علينا احنا
عزمى : ما تقلقوش يا جماعة انا احاول اعمل توازنات وامرى لله
زبيدة : ( جانبا ) وامرك لله
عزمى : خلاص قررتوا
زبيدة : ايوة موش كده يا ستات
عزمى : وهنبدأ فى التنفيذ
زبيدة : من اللحظة دى كل امرأة تبدأ فى عملها العادى اللى اتفقنا
عليه عند انشاء الأمبراطورية والراجل هيلف مكان ما هو
عايز والمكان اللى يحب يدخله هو حر فيه ما حدش يناقشوا
عزمى : فيه حاجة كمان انا عايزها
زبيدة : اتفضل
عزمى : هتعملوا لى معمل تجارب خاص بيا لأنى انا عالم مخترع
يسرية : الا يا بيه يعنى ايه عالم دى
عزمى : انا هاحاول من خلال بعض التجارب ايجاد حلول بديلة
للإستمرار
زبيدة : يعنى هترجع تضيع وقت البشرية فى الأبحاث والتجارب
عزمى : لا الليل بس هيكون من نصيب النساء لكن النهار بتاعى
لوحدى للأبحاث والتجارب
يسرية : يعنى بتشتغل ايه ؟
عزمى : قلتوا ايه
القائد : مولاتى انا موش عارفة يعنى ايه بس موافقة وكمان فيه
حاجة تانية انا باقترح الستات الدكاترة يقيموا مع المخترع
فى المعمل لتوقيع الكشف الطبى عليه كل يوم عشان
الأمراض
عزمى : والله اقتراح كويس خاصة لو الدكاترة دول حلوين
زبيدة : مقياس الحلاوة موش وارد اتفضلوا ومن اللحظة دى كل
واحدة هتعمل اللى هى عايزاه لجذب الرجل اليها ويسرية
هترافقى الراجل ليل ونهار وترتبى مواضع التمر يس
يسرية : ستى هو انتى شاكة انى ليا قرون ولا حاجة
زبيدة : ( جانبا ) لا بس انتى اقرب واحدة ليا فى العالم ده
القائد : ودلوقتى يا ستات انصراف وكل واحدة تروح لمكانها واحنا
هنيجى لحد عندها حسب نصيبها
( يبدأ الجميع فى الإنصراف من المكان ويتبقى عزمى
وزبيدة ويسرية ويقف الحرس بعيدا عنهما )
عزمى : ازيك يا زبيدة وحشتينى
زبيدة : لسه فاكر يا ناقص
عزمى : انا عمرى ما نسيتك وانا محبوس تحت الهرم والعالم كله
بينهار ما فكرتش غير فيكى يا ترى عايشة ولا لأ
زبيدة : وانا من ساعة ما قالوا انك موش موجد فى السجن وانا
دورت عليك طول اليوم وما رجعتش البيت لحد دلوقتى
عزمى : بيت ايه اللى ترجعى له ما البيت اتهد واتدمر
زبيدة : عارف انا ما رحتش على النادى والله يا عزمى انا اعتذرت
لصاحباتى وروحت وراك على القسم المأمور انكر وجودك
فى القسم وقاللى انهم افرجوا عنك
عزمى : كداب انا ما خرجتش من القسم انا من تحت القسم مشونى
فى سرداب طويل ماشى من القسم لتحت الهرم
الأكبروحطونى فى زنزانة كلها رطوبة تحت الأرض
وعرفت انه ده معتقل للمفكرين والعلماء اللى بيحاولوا
يكون ليهم افكار تنوية لمجتمعهم وفى يوم ما لقيتش
الحرس جم وجابوا الأكل قعدت اعافر فى البيبان لحد ما
خرجت لقيتنى فى متاهة تحت الأرض طلعت منها على
حجرة الدفن فى قلب الهرم ساعتها بس عرفت اننا فعلا
محبوسين فى الحضارة الفرعونيه وبين احجارها وما
فيش سبيل للتقدم والنمو الا لما نتخلص من الجدران اللى
حابسة نفسنا وكاتمة على عقولنا ومحجمانا انا دلوقتى
بس عرفت الفراعنة بنوا اهرامات كتير ليه
زبيدة : عشان الدفن
عزمى : ايوة للدفن بس موش دفن الموتى دفن الأفكار والحريات
يسرية : ستى اعتبر دى اول ليلة
زبيدة : اسألى الراجل
عزمى : ايوة يا يسرية دى اول ليلة فى حياتى الجديدة واحسن شئ
ابدأها مع مراتى حبيبتى زبيدة اللى عمرى ما حبيت غيرها
يسرية : انصراف يا حرس خلاص الإجتماع خلص
الراجل اختار اول ليلة
زبيدة : واخر ليلة
عزمى : وكل ليلة فيه حد يسب مراته اللى بيحبها عشان اى واحدة
تانية حتى لو كانت احلى فى عين الناس انا مراتى عندى
احلى ست فى الدنيا
يسرية : كسبنا صلاة النبى
عزمى : اسمعى يا يسرية انا عايزك تكتبى شوية اسماء وهمية من
النساء وتوزعينى عليهم طوال الشهر الأول انا الشهر ده
كله هابقى مع ستك زبيدة احاول اعوضها عن الفترة اللى
فاتت عقبال ما يجهزوا المعمل ليا من تانى
زبيدة : المعمل تانى
عزمى : تانى وتالت ورابع يا رب نقدر نملا العالم كله معامل
ومختبرات عشان نقدر نرجع الحياة للأرض من جديد
( استعراض يعبر عن استعداد الحريم لتلبية رغبة الرجل )
قطع
المنظر الثانى
المكان مكان الرجل حيث يجلس على منصة عالية والنساء يدورون فى المكان وهم فى حالة من التوتر والقلق والحرس وفى منطقى اخرى ست ترقص رقص شعبى واخرى ترقص رقصة مثيرة وفتيات تلعب العاب بهلوانية )
الرجل : ايتها السيدات الكريمات انا اليوم متعب وارجو منكم
الإنتظار لما اخف شوية
( تبدأ السيدات فى التحرك خارج المكان )
ست1 : ايه الموضوع ما عادش فيه سكات
ست2 : ايوة احنا مالنا احنا
ست3 : فين حقوقنا
ست4 : انا خايفة اموت قبل ما اشوف راجل
ست5 : لا ما هو انا موش وحشة عشان لغاية دلوقتى ما ياخذنيش
القائد : جرى ايه يا بنات اقعدوا فى بيوتكم واستنوا نصيبكم
ست2 : احنا بقى لنا شهور والراجل ما جاش ولا ظهرت له كرامه
فى اى بيت
القائد : يعنى ايه ؟
ست 5 : بصراحة احنا تعبنا ومافيش حد فينا احنا كده جاله الراجل
القائد : وايه يعنى ما هو ما جاليش لغاية دلوقتى موش معنى كده
انى افقد الأمل اكيد لازم احاول مرة واتنين وتلاتة لغاية لما
يحصل اللى احنا عاوزينه
عزمى : ايه يا بنات مالكوا
القائد : الناس بتسأل يا دكتور هما ليه ما شافوش حضرتك
الشهور اللى فاتت دى
ست1 : عايزنا نتخانق على الراجل
ست2 : واحنا هنعمل ايه تفتكر ممكن يحبنا
القائد :حتى لو مابتحبناش بس ما تحرمناش لذة الإستمتاع بالحب
ست5 : لذة الست فى الحب انها تلاقى انسان تانى يحبها
عزمى : عارف ..عارف
القائد : يبقى ما تغالطش نفسك يا حضرة ..الست عايزة منك اللى
موش هتقدر عليه
ست4 :بس اسكت موش طايق اسمع كلامك
القائد : عشان انا باقوللكم الحقيقة
ست2 : وانت قمت بواجبك كويس
القائد : دور ايه ؟
عزمى : انا موش عارف انتوا عاوزين ايه
ست3 : احنا بصراحة عايزين نشوف الجول بتاع التمريس وفين الست يسرية
القائد : مش مفروض الست يسرية تكون مرافقاك ليل ونهار لتسهيل مهمتك
عزمى : ايوه وبعدين احنا متفقين ان الليل بس للستات لكن النهار للمعمل والمختبرات
ست1 : وايه نتيجة شغل المعمل بتاعك
عزمى : ما شفناش حاجة ظهرت ولا اختراع جديد
ست4 : ولا شفنا عيال بتحبى ولا ست حامل انت ايه يا عمنا
مالكش ولا ايه
القائد : لا يا ستات ما يصحش الكلام ده
عزمى : هو ايه المطلوب منى قلت لك انى موش مكنة انجاب ولا انا اله لممارسة الجنس انا بنى ادم وليا احاسيس ومشاعر
ست5 : يعنى ايه يا سيدى انا موش احنا اتفقنا
عزمى : اتفقنا على اختار واحدة كل يوم
ست2 : ايوة بس احنا موش شايفين نتيجة لإختيارك
عزمى : انا ما اتفقتش معاكوا على ضرورة الإنجاب
القائد : لا يا بيه معلش الإتفاق ضمنى على الإنجاب لأن مهمتك هى استمرار العالم وانك تكون ادم الجديد ما قلناش انك هتكون عصاية مقشة
عزمى : انا معترض على اسلوب الكلام معايا بهذا الشكل
ست3 : اعذرنا يا سيدنا بس احنا ستات غلابة
ست1 : اه والنبى غلابة وما شفناش راجل قبل كده
القائد : هو حضرتك كنت فين امبارح بالليل
عزمى : فى بغداد
القائد : واول امبارح
عزمى : فى قصر باكنجهام
القائد : وما رحتش الكرملين
عزمى : افتكر لسه
القائد : تفتكر ؟
عزمى : اعتقد انى رحت
القائد : امال عاوزين ايه يا ستات الراجل شايف شغله اهو
وزيادة مقضيها مشاوير رايح جى من واشنطن لبلطيم ومن فرنسا لسيبريا الراجل ما يونش هتنهبوا يا لا امشوا من هنا كل واحدة على مكانها تستنى دورها
عزمى : والله انك اعقل واحدة فى الدنيا
( ينصرف القائد ومعه النساء بينما تدخل يسرية )
عزمى : يسرية
يسرية : ايوة يا سيدى
عزمى : امال ستك فين
يسرية : مستنياك فى قصرها بالليل كالعادة
عزمى : انا حاسس ان الستات ابتدوا يحسوا باللعبة بتاعتنا وخايف قوى على ستك
يسرية : ما تخافش يا بيه انا جنبها طول النهار وطول الليل باراقبلكم الجو
عزمى : طيب قوليلها انى هأتاخر شوية الليلة عشان هاروح لغاية افرقيا الإستوائية اجيب لها الا ناناس اللى طلبته
يسرية : حاضر يا سيدى ما تقلقش هاقول لها
عزمى : ( وهو خارجا ) مع السلامة موش هاتاخر
يسرية : سلام يا سيدى البيه
( تخرج يسرية بينما يدخل بعض النساء ومعهم قائدة الحرس ينظرون فى اتجاه خروج عزمى ويسرية )
القائد : انتوا سمعتوا اللى انا سمعته
ست1 : ايوة التمريس شغال على ودنه
ست5 : عشان كده ما حدش فينا بيشوفه
ست4 : وفين حقوقنا احنا
القائد : انا شكيت فيه لما قاللى انه موش فاكر راح الكرملين ولا لأ وهو فيه حد غيرى ساكنة فى الكرملين
ست2 : ايوة بس هو بيروح لمين ؟
ست3 : شغال على افريقيا وبس موش لازم كل القارات يبقى لها نصيب
ست5 : انا امبارح شفته وهو داخل عند الأمبراطورة
ست1 : وانا شفته برضه من كام يوم عندها
القائد : انا شاكة فى حاجة ممكن تساعدونى وتعملوا اللى هاقول لكم عليه ونتقابل هنا كمان ساعة
الجميع : اؤمرينا
( يتجمع الجميع فى دائرة بينما القائدة تشرح لهم شيئا
ويخرج الجميع دون رد فعل فى اتجاهات مختلفة )
(الرجل يدخل وهو متخفيا نحو قصر الأمبراطورة
ويدخل متسللا بينما يراقبه عدد من النساء ويتجمعن حول القائد فى الوسط تتجمع النساء من كل مكان بينما يصعد بعض النساء من الحرس الى قصر الأمبراطورة وهم يعودون وقد القوا القبض على الأمبراطورة وعلى الرجل )
عزمى : هو فيه ايه
يسرية : احنا عملنا ايه
زبيدة : ده انقلاب عسكرى والا ايه ؟
القائد : ايوة ده انقلاب عسكرى
زبيدة : انتى قد اللى بتقوليه ده
القائد : طبعا يا مولاتى قده ومعايا الحرس كلهم
زبيدة : ليه ؟
القائد : انتى السبب قمتى بالخيانة العظمى للأمبراطورية
عزمى : خيانة عظمى
القائد : انت ما لكش دعوة دلوقتى يا بيه اما نشوف هنعمل ايه وياك
عزمى : هتعملوا ايه ؟
القائد :هتتقدموا للمحاكمة بتهمة الخيانة العظمى لقانون الأمبراطورية
زبيدة : الخيانة العظمى
ست5 : طبعا انت سيطرتى على الملكية العامة وانتفعتى بيها لوحدك
ست4 : ايوة استوليتى على المال العام
ست3 : وحرمتى الشعب من استثمارة الجنسى
ست2 : ايوة احنا سألنا فى كل حتة ما فيش واحدة ست نامت مع الراجل غيرها وكل الستات بيعانوا من الوحدة ما عدا هى
ست1 : ومش معنى انها الأمبراطورة تتمتع لوحدها بحقوق الملكية العامة
يسرية : وانا
القائد : انتى كمان متهمة بتسهيل الخيانة للشعب والتستر على الجريمة
عزمى : انا عايز اقولكوا عل حاجة انا ما خنتش انا كنت بامارس حقوقى الشرعية مع زوجتى الوحيدة اللى باحبها زبيدة
القائد : الست قالت ما فيش جواغز عشان تستفرد لوحدها بالراجل
عزمى : احنا متجوزين من زمان من خمستاشر سنة واكثر
ست3 : يعنى من قبل الإنفجار الكبير
عزمى : ايوه
يسرية : وانت كنت خدامتهم فى البيت ولما حصل اللى حصل بقيت معاهم هنا وبنحافظ على العلاقة الأسرية الجميلة
عزمى : انتوا عايزين ايه احنا موش حيوانات نمارس حياتنا بحرية دون قيود او حدود احنا ازواج ومارسنا حياتنا بطبيعية نصيبنا كده اناا العالم اللى كان بيخترع القنبلة اللى اودت بالعالم كله
القائد : يعنى انت اللى دمرت العالم وموتت رجالتنا
عزمى : مع السف انا
ست4 : يبقى احنا ننتقم منهم جميعا
ست2 :احنا نحكم على الستات دول بالإعدام ونخلى الراجل شوية لحد ما نوصل لهدفنا
زبيدة : حرام عليكوا انا حامل
ست3 : شفتوا الست حامل شدوهم من شعورهم واسحلوهم على الأرض الخونة اللى سرقوا حقوقنا
ست5 : بس الراجل لأ
عزمى : لأ انا قبل الست دى لو هتموتوها موتونى قبلها دى ام ابنى امل الحياة فى الإستمرار لو طلع ولد
ست5 : وافرض طلعت بنت هنعمل ايه
عزمى : استنوا ممكن نوصل لحل
القائد : احنا لازم نوصل لقرار الحكم باعدام الجميع قبل ما تحصل الفتنة وكل واحدة ومصيرها نعيش حياتنا قد ما نعيش وفى النهاية كلنا رايحين
زبيدة : حرام عليكوا حرام
( اصوات انفجارات عالية واضوا ء)
اظلام
المنظر الأخير
( عودة الى المنظر الأول حيث حديقة قصر الدكتور عزمى تنزل زبيدة من على السلالم مسرعة وهى تنادى ومنزعجة المكان يرجع الى ترتيبه السابق فى المنظر الأول من الفصل الأول حيث اشجار الحديقة وقد تراصت فيها المناضد والأنوار )
زبيدة : يسرية يسرية
يسرية : انتى صحيتى يا ستى
زبيدة : عزمى فين ؟
يسرية : فوق يا ستى
زبيدة : عدموه
يسرية : هو مين اللى عدموه يا ستى سيدى عزمى قاعد فوق فى
معمله وانا لسه مطلعة له الشاى هو والشاويش اللى
معاه
زبيدة : شاويش ايه ؟
يسرية : شاويش قسم الهرم
زبيدة : هو العالم رجع تانى
يسرية : عالم ايه يا ستى الف مرة قلت لك نوم الظهر وحش
زبيدة : يعنى العالم ما اتهدش
يسرية : انتى عايزة شوية البمب اللى سيدى بيفرقعهم دول هما اللى هيهدوا العالم
زبيدة : انا موش فاهمة حاجة
يسرية : مصيبة يا ستى لتكونى نسيتى اسمك
زبيدة : مش للدرجة دى
( عزمى نازلا من على السلم ومعه الشاويش )
عزمى : صدقتنى يا شاويش انا عامل كل احتياطاتى ان الغازات ما تتسربش من المعمل ولا حتى اصوات الفرقعات وده لأنى عامل المعمل معزول تماما
الشاويش : وانت طالب ايه من القسم عندنا البيه المامور بعتنى عشان اشوف كل احتياجاتك
عزمى : انا اتكلمت مع السيد مدير الأمن وهو وعدنى بتوفير الحماية الكافية من رجال الشرطة والإطفاء تحت امرتى لحين الإنتهاء من عملى فى مشروع القنبلة السيكو مسامية
الشاويش : شوف يا بيه رغم انى موش فاهم حاجة فى طبيعة عملك الا انى لازم اوفر لك الحماية الكافية لأنك شخصية وطنية ومشروعك ده مشروع الأمة كلها ولازم ولابد نقف جنبك لحد ما تخلص اختراعك ده
عزمى : النهاردة المؤتمر الصحفى والدنيا كلها هتيجى هنا وتصور المؤتمر وعندها هيكون السبق لمصر فى الإختراع
زبيدة : عزمى انت هنا من أمتى
عزمى : انا ما خرجتش انا من الصبح وانا فوق بس انتى تعبتى شوية من غاز المعمل فاضطريت انقلك لأوضتك عشان ترتاحى
زبيدة : يعنى العالم ما اتهدش
عزمى : ويتهد من ايه القنبلة بتاعتى ما بتعملش اى انفجارات او قلق لأنها عبارة عن غاز بيتسرب ويخترق مسام الجلد وبالتالى يسيطر على العدو ويجنده لمصلحتى
الشاويش : يعنى ييجى المتهم يضرب على رصاص يدينى مصاصة
عزمى : ايوة تخيل يا شاويش
الشاويش : انا متخيل طبعا وكل ده عشان البلد دى انت عظيم يا دكتور عزمى وفعلا تستحق جايزة نوبل اللى انتى اخدتها دى
عزمى : الله يخليك يا شاويش
الشاويش : انا بقى هأقوم احضر القوة وافرقها حوالين الفيلا من الخارج وانا هاتولى الحماية بنفسى من الداخل وبعدين انت ما يتخافش عليك اى حد ييجى لك ارمية بقنبلة المصاصة
عزمى : اوكى يا شاويش
زبيدة : عزمى انا موش عارفة ايه اللى حصل انا مرت سنين كتير وانت بعيد عندى كنت هاتجنن
عزمى : سنين ايه يا حبيبتى دى كلها ساعة زمن من ساعة ما نمتى لحد ما صحيتى
زبيدة : انا باحبك قوى يا عزمى وموش ممكن اسيبك ابدا وايدى على ايدك فى كل صغيرة وكبيرة
عزمى : حبيبتى انتى طول عمرك معايا وبتساعدينى من ساعة ما اتجوزنا وانتى جنبى كل اختراعاتى انتى شريكة فيها
زبيدة : عبيطة انا
عزمى : عبيطة
زبيدة : عبيطة الست اللى تلاقى الحب ده وتسيبه وتجرى وراء الكلام الفارغ انا من النهاردة هاعيش ليك لوحدك
عزمى : زبيدة انتى نسيتى ولادنا النهاردة كلهم هييجوا عشان يحضروا الإحتفال بجايزة نوبل
زبيدة : ولادنا
عزمى : حبيبتى انتى نسيتى بناتنا وولادنا وازواجهم
زبيدة : انا فعلا تعبت ونسيت كل حاجة
عزمى : اوعى تقولى لهم كده ليزعلوا
( يدخل اطفال وهم يرتدوم ملابس المدرسة )
زبيدة : اولادى
عزمى : الحمد لله انك فاكراهم
يسرية : الفرقة الإستعراضية وصلوا يا سيدى وبيسألوا يغيروا هدومهم فين
عزمى : فى اى مكان المهم يجهزوا نفسهم لإحتفال كبير نحتفل بيه كلنا بالحب والإخلاص نحيا فى سلام وامان
( استعراض الختام )
ليست هناك تعليقات:
إرسال تعليق